كاشير بنين و سهل التحضير و اقتصادي

السلام عليكم الحادكات 

المقادير

4 البيضات 

300غ كفتة الدجاج ايلا ماعندكش كفتة الدجاج عوضيها ب 2كيسان الروز مسلوق 

كاس سميدة رقيقة 

نصف كاس زيت 

2 فصوص توم 

كنور بكري شوية الملح

معلقة صغيرة الكامون 

لهريسة حسب الدوق انا تنكتر باش تعطيني احتا اللون 

نصف معلقة القزبر مطحون 

اللي بغا الملون الاحمر ايديرو انا مادرتوش

تنخلطو كلشي فمولينكس 

وها الصور غادة تشرح ليكم

من بعد نديروه فالكاس الخاص بيه راه موجود فالاسواق وغير ب5 دراهم 

من بعد انديرو فبرمة فيها الماء ونتقلو اعليه باش ماطيحش القرعة ويخسر لينا المنضر 

ونحسبو ليها 45 دقيقة 

من بعد انخليوه يبرد مزيان انا تنفضل انخليه ايبات عاد تنكلو تيجي بنين 

وهاهو الشكل ديالو كيف تيجي 

بالنسبة لاخوات اللي مايلقاوش هاد القرعة انا كنت كنديرو غير فبلاستيكة ونسد اعليها مزيان وندوبلها وبنفس الطريقة تيطيب