‎كيكة على شكل ملعب‎. رائعة بالخطوات المصورة

 ‎كيكة على شكل ملعب‎.

*المقادير

3 قطع جينواز مستطيلة 

بالنسبة للجينواز أنا عملت 

-9 حبات بيض كبار 

-160g سكر 

-160g فرينة

-كيس خميرة الحلوة

-لتنسيم الكيك فاني أو قشور الحامض

*الطريقة

-نعمل البيض والسكر الفاني أو قشور الحامض محكوك نخفق الكل مدة 15 دقيقة حتى نحصل على رغوة كتيفة

نغربل الفرينة مع كيس الخميرة ونضيفه على خليط البيض شوي بشوية مع الحرص على بقاء حجم الخليط كثيف وكذلك نتأكد بأن كل الطحين إمتزج لأنو شي مرات يكون داخل الخليط

-أنا قسمت الخليط إلى 3 مرات عملت كل قطعة وحدها يعني طيبت قطعة ورى قطعة ماشي في نفس الوقت

اي كريمة حسب الاختيار 

-ولسقي الكيك عملت سيرو الخوخ المعلب

-نحتاج إلى قشدة طرية مضربة

-جوز الهند "الكوك "

-ملون أخضر

*الطريقة

-نأخد أول قطعة نسقيها بالسيرو نضع كريم الزبدة نعمل طبقة من الكيك نسقيها ثم الكريم والطبقة الأخيرة من الكيك ونسقيها ثم نغطي كل الكيكة بكريم الزبدة ندخلها التلاجة من بعد نخرجها ونجيب ماء براد نعمل فيه السكين ونقاد شكل الكيكة مزيان

-نأخد القشدة الطرية مخفوقة نعملها على الكيكة كلها

-نجيب ملون أخضر نعملو في جوز الهند واحد يكون لونو فاتح والتاني يكون غامق

-نبدا باللون الفاتح نرشو فوق الكيكة كلها وحتى الجوانب نجيب ورقة نقصها شرائط نعمل الشريط ونجيب الكوك إلي لونو غامق ونعملو فوق إلي لونو فاتح ونحيد الشريط باش نحصل على شكل ملعب نعمل دائرة في الوسط و ممكن عمل خطوط بالقشدة الطرية ورسم الملعب جيدا

يتباعو اكسسوارات اللاعبين والكرة ممكن نشريوهم ونحطهم وسط الكيكة باش يعطي شكل ملعب حقيقي