RSS Feed
Twitter
10:01
malika elghernougui
بسم الله الرحمان الرحيم
مادلين بالفواكه الجافة اكتر من رائع وصحي للاطفال الصغار
نتمنى يعجبكم وتجربوه
كاس من الفواكه الجافة لوز كركاع تمر زبيب عملتهم بقطاعة الربيع كيف واضح فالصورة
2بيضات كبار
كاس زبدة دايبة وزيت يعني نصف نصف
واحد الساشي دنسكافي دايب فشوية الماء
كاس حليب
انا عملت 5معالق سنيدة كل واحد وعلى حسب الحلاوة شحال كيعمل
خمارة ديال 8غرام +2معالق كباااار كاكاو
الدقيق حسب الخليط ميكونش خفيف وميكونش تقييييييييييييييل
الطريقة
نطربو البيض مع سنيدة +الزيت والزبدة +نسكافي +حليب بالطرااب
نضيفو الفواكه الجافة تم الدقيق الكاكاو والخميرة ونعملوه فمولات المادلين ونشعلو من الفوق اولا وبالصحة والراحة وقبل مندخلو للفرن عملت الزبيب من الفوق
نتركم ومع الصور
المادلين التاني خديتو من موقع ايطالي وبصراااااااااحة عجبني بزاااااااااف من ناحية البنة نتمنى تجربوه
المقادير
60غرام زبدة
30غرام كاكاو مسوس
50غرام شكلاط
160غرام دقيق
خميرة ديال 6غرام انا عملت 8غرام
معلقة عسل
قبصة ملح
بيضة كبيرة
125مل حليب
125غرام سكر انا نقصت من السكر
الطريقة كيما واضح فالصورة دوبت الزبدة والشكلاط فالميكرووند من بعد عملت البيض والسكر والعسل والحليب +كاكاو ملح+الزبدة والشكلاط مع التطراب المستمر تم الدقيق والخميرة وعملتهم فمولات مدهونين هنا متشقوش ليا اني مسخنتش الفران بزااف يعني الغلط مني هههههه لكن البنة منعاودش ليكم مممممممم
Posted in 
0 commentaires:
Enregistrer un commentaire